top of page

Lansman ofisyèl kredi patenè

Asosyasyon Kouraj, nan kad pwojè pou ranfòse kapasite finansye kominote M nan (LGBTIQ+), ki finanse pa Fondasyon Entè Ameriken an (IAF), te lanse ofisyèlman pwogram KREDI PATANÈ a jou ki te mèkredi 31 mas 2021 an.


Inisyativ sa a te kreye nan objektif pou ede moun ki soti nan kominote M lan (LGBTIQ+) ki pa gen aksè a sistèm kredi tradisyonèl yo jwenn finansman ki vize ranfòse kapasite antreprenè yo ak amelyore kondisyon lavi yo.  Pwojè sa vize touche nan kòmansman anviwon 200 a 300 moun dirèk ak endirèk ki pral sa yo aprann nan fòmasyon yo pou aplike nan biznis yo ak ogmante revni yo  omwen 30%.

IMG_1127.CR2
IMG_1125.CR2
IMG_1118.CR2
IMG_1132.CR2
IMG_1130.CR2

Plizyè òganizasyon patnè te prezan pou sipòte inisyativ sa a.  Direktè egzekitif asosyasyon an Stephenson Méus nan diskou li te remèsye òganizasyon ki bay lajan pou pwojè a kanpe (IAF)  epi felisite kolaboratè yo ki te travay san pran souf pou inisyativ sa a rive reyalize. Li te pale tou ak patisipan yo te chwazi pami sila yo ki te fòme pandan twa dènye  fòmasyon ki te òganize sou jesyon biznis la.  Lansman sa a se yon premye pou kominote a!, nan temwayaj patisipan yo, yo ankouraje dirijan yo travay pi di pou fasilite plis jèn ki nan kominote a e ki nan sitiyasyon difisil yo vin enterese nan antreprenarya epi suiv fòmasyon sa a.

​

Asosyasyon an pa bò kote pa'l ap ankouraje lòt moun rantre epi bay kout men nan pwojè sa a pou l vin tounen yon zouti pou kwasans ekonomik kominote M nan ke yo toujou ap majinalize nan peyi a ke leta peyi nou an bliye si yo egziste.

bottom of page